Sajibu Cheiraoba kauba Laithou asi Sanamahi Laining gi yamna maru oiba thauram amani. Hairiba thauram asi emung khudingmakna tangai fadana chahi chahigi taudaba yadraba laigi thauram oiba maramna Cheiraoba numit asida khatna-cheinaba, pukchel tinnadaba, saona-khotnaba, ungkhatnaba, maram leitana yahau thengba, mathau leithokpa, fi amotpa setpa, Erujadaba, mayai kaba chinjak sijannaba, akam apet ngang sakpa, fambi kaithokpa, nupa nupi eetinnaba amadi oktaba lichat-sazat chatpa asinachingba pumnamak emung manung gi leikha taningngai oiba pumnamak emunggi mee pumnamakna amata tauba yade. Numit asida Laininthou Sanamahi bu chetna thagonnajaduna taibang panba sembirakpagi, amambabu nganthoibirakpagi laining parei chetna ngakkadaba numit amani. Numit asida Lai ningbagi Chahi ama chupna Lai ningbagi maheiga chap manana fangi.
Sanamahi Lainingda Cheiraoba asi Lu-henba, sithok-chamthokpa gi punsirol anauba ama hauba numit ni maram asina Cheiraoba numitki ehan haana yumda taugadaba thauramdi – Yum-kei sengdokpa, Sumhang-thellong, Yenakha-Lukha, wapal, konthong taru tananna sengdokpa. Firol, famung gi Kangkhal amdi fi atei sudok chamthokpa. Chakhumgi chaphu-uyan, khabei-chegap asinachingba kaya fengdokpa. Yumgi leimai khudingmak eshing asengbana nura ahanba semduna wai teithokpa asinachingba kaya asini.
Emung sengdokpa gi thabak ayamba asi Cheiraoba mamangda loisinhauba yai, Laigi Lairubakna chingba sengdokpadi Cheiraoba gi ayuk taugadabani. Lainingthou Sanamahi gi Lairubak sengdokpada Numit ki mangal da yeiba yade, leibakta tahanbasu yade. Karigumba leimaida sokhrabadi Lai “Leikha taba” kause nauna amuk Lai themgattaba yadre hairiba asi Leimarel gi Eshaifu sengdokpadasu chap manana taugani.
Anauba Lainingthou Lairemmagi Firoi hongloidaba oirabadi haanagi firoi asuba adu mafam khangna yetnahandana eshing asengbana ningthina tumthokkani. Fising asi numit ki mangal thenghanba yade, urumda faugadabani, leikha tahanbasu yade.
Yumang Keimangba Yaoragadi: Kanagumba emung aduda mee siba yaoba natraga sagei gi ee marida messi meena yaorabadi Sanamahi Laining kanglon matung inna Yum mangle haina launarak i. maram asina siba numittagi numit 10 ni hek subaga yum sengba thauram pangthoklaga Laicha faba sajibu thagi thaban amada Laithou haibadi Cheiraoba thauram asi pangthokpa yai.
Laithau Pangthokpa Matam: Cheiraobagi thauram tauba, athenpot katpa, Leihun Tamba, Luklen thaba, Firoi fingam hongba, Meira katpa pumnamak yuthak 1 da gi yuthak 3 chatpafaobagi manungda haibadi ayukki pung 9 taba faobagi manungda (Mangang gi pungfam asengba) da loihauba ngamlagadi khwaidagi fei, khwaidagi mahei chaowe. Hairiba pungfam asida ngamhaudragadi numit yungdringei, Luwang sidaba mapu yai yaudringei loihauba yai hendokragadi kaya pangde.
Thauram Taugadaba mee:
-
- Lainingthou Sanamahi bu ningjariba yum yum adugi yumburel aduna Laigi thauramsing taugani. Yumburel leitragana yumburenbi na natragana Yumgi mee akhangba amana taugani. Taubatadi Laiming fangdriba (laudriba) nupa nupidi Laithou asi tauba yade, kanglon khanglabasu tauba yade.
- Hakchang sengdaba matamda Yumgi kanagumbi nupi amattana laithou asi tauba yade. Tumal oina oina lakpa nupisu khurumjabadi yai laithou adu masana pangthokpadi yade. Nupasu Tumal laurabadi Laithou tauba yade. (Karigumba Tumal lauba amasung Tumal oina laklibi nupi animak adu thauram tauduna sengdoklab amasung sagei manungda tinbagi thauram pangthoktuna khut chanabagi pankhei lanthoklaba matungdagidi Cheiraoba thauram pangthokpada akaiba leite).
Emoinu Emagi Firoi tamba:
Yum gi thauram taubada Funga Lairuda Ema Emoinu gi khubam yajaba emungda di Cheiraoba numit asida 1. Fanek ama 2. Innafi ama 3. Khwangchet ama 4. Namkhang ama asinachingba emagi firoi tamgadabani.
Konthongda Chakluk ahum (3) thaba
Lainingthou Sanamahi na hakchangda changduna Sanamahi-kangdongduna leibabu “achangba” “ahingba” kauwe. Adugumba achangba na leiriba yum adubu konduna leiriba Lainingthou na mapan thokna ngaktuna lei haiduna “im-kon” haina kauwe. Asumna, Sanamahi Lainingthou na konbiriba mafam asigi thongbu Kon+Thong = Konthong haina khangnabani. Thong asibu kanthoklaga leiriba mafam aduna Thong+kal = Thongal haibani, mafam puba matam puba lamlaisinggi chakthak konthong wangmada chahi gi oina tamthokkani.
Thongal da thadokliba Chakluk ahumgi maramda:
1. Chakluk oi thangba aduna hakum Cheiraoba numit adugini.
2. Chakluk mayai aduna mathang Chahi nongmei Cheiraoba numit adugini.
3. Yet ethang thangba chakluk aduna Kumsi Chahi Cheiraoba numit asigini.
Hairiba Lamlaigi thariba Chakluk sing asi thaba matamda yetlomdagi thaba hauduna mathang mathang thagani. Chahi amagi thaban ahaubada Lamlaising asi chaktha tamkhrabadi hakthi soinai, khurau thangba amatta Lamlaisingna piraroidabani haiduna yamna cheksinna thauram asi taunarak i. Thongal da thadokliba Chakluk asi ahum thokna thaba asina kanagumbana kumsi chahi asida chakluk thaba yadaba haibadi yumang keimang yaoduna tauhaudrabasu mamang chahi da chakluk ahum thakhiba oirabadi handak chahi yaona thakhrabani haiduna pukningda nungaitaba adu koknei loinana, kanagumbana amakhak thabasu yaowe madusu akaiba leite haibadi thariba Chakluk ama du kumsi chahi asigi oigadauribani, mathang chahi gi amadi mamang chahi gi yaodre.
Thongal da Chak Thabagi mingkheirol:
Kumshi chahi asigi nadairemna
tara lukkoi semduna katchari,
Eram maba tumaba, Eram semba tusemba
Kumsana kum liklai ahumda katchari,
Kumshi chahi gi tinmu fattaba, Laimu fattaba
tindai Laitaibirammu. Tinkokpiyu, Laikokpiyu,
Kapyangba Tayangba Nungai Yaifana panba,
Pajeng firal thetpa, Nungai Yaifana panba pibirammu
nanaina khurumjari.
SAJIBU CHEIRAOBA GI KANGLON
mathakki wahei sing asi haiduna mai nongpok onduna khurumduna ningthina katlamgani.. Hairiba Laithou sing asi loiraga Yumlon Keironnabada Yenshang laanaduna Khunai amada punna hingminabagi maribu amuk nauhaunana ningsingnabaga emung manunggi mathel lukkoi chaminnagani. Loinana, manak nakpa Ching, khunai aduna Cheirao-chingni haiduna yanaraba Laigi khubam yaba aduda esa esagi Pangal chang yengnaba Nisa-kanglon khangna ching kagani. Ching kaba aduda marakta pothanade, potharabadi Pangal chang yengbadu areppa khangba ngamloi. Chingdol maton yauraga ahal oibasingna macha-masu-mamauna chingba da akoibagi khangdaba yadaba Lammitlon adu khudombi thinduna takpigani. Lam lamgi maming matha, maru oiba meetinfam, Loishang, Famnaisang gi mayum makei, mari mata marup mapangsinggi Leirak-konsang pumnamak asi khanghanli. Loinana, mahausa Lairembi gi pak chaoraba sakfam bu uraga Malem bu Nungshiba, Taibang panba pumnamakpu nungshiba pokpa awangba wakhallon bu tambigani.
- Today's visitors: 5
- Today's page views: : 5
- Total visitors : 8,969
- Total page views: 14,397
Luk katpada kadaidagi hougdbge Emung dagi katpa loraga thong galda katchagdra takpirako please
thongalda thadokliba adu emungda katkhiba athenpot aduna thonglaga thadokpane, mei changba haibadi chakluk asidi Lainingthouda katpa yade mahakki di athenpot haibadi thongdri ngei da katpaduni adugi emunggi luk katpa hairagadi eben emoinu da haana katlaga lamlaigi thadokkadabane.